歌手周柏豪早前與逾200名粉絲慶祝28歲生日，忙於綵排年底個唱的他，仍抽空3小時與歌迷玩遊戲兼切蛋糕。出道3年的柏豪坦言近年「忙爆」：「呢兩年成日公幹，所以少咗時間見歌迷，有少少遺憾。（歌迷有冇投訴？）反而投訴我個唱加場，搞到原本買尾場嘅變咗唔係尾場。」
柏豪又表示2012年對他來說非常不開心：「今年好多唔開心嘅事，包括朋友同婆婆。」但他承諾不會因為婆婆的離世而影響演出：「我絕對唔會留力，會做到最好！」
柏豪切蛋糕慶祝28歲生日。
