蔚雨芯遊墨西哥被問價

蔚雨芯（Rainky）日前孖住師兄狄易達到墨西哥拍旅遊節目，問到有否遇上靚仔？Rainky慨嘆：「咁多日都係見到一個靚仔，日日由朝拍到晚，冇時間識男仔。」並指不時有人撩她傾偈及邀請她跳舞，更自爆在當地有奇遇：「有日我哋喺類似蘭桂坊嘅地方拍攝，有兩個青年人指住我哋講咗兩句，之後導遊同我講番，原來佢哋問我幾多錢，以為我係Chicken（意指妓女）！」她表示最愛當地的海灘：「我去咗一個對住加勒比海嘅海灘，好靚好舒服，好多外國人去度假。佢哋覺得我哋好瘦，因為外國女仔比我哋肥，個胸都好似我哋個頭咁大！」

而達仔坦言整個旅程令他最難忘的是當地人，因當地人淳樸易滿足：「之前有人話『瑪雅預言』指12月21日係世界末日，但原來墨西哥嘅瑪雅人係當笑話咁睇，佢哋仲好理智咁話只係一個時代嘅新開始。」他此行更一嘗「跳崖」的滋味：「嗰度約兩層樓高，開頭同Rainky一齊跳，點知一擰轉面佢就喊晒，得番我一個！」