周秀娜被扯落台強吻

「胸模始祖」周秀娜前晚在亮燈活動中盡騷32D「人間胸器」，她自爆日前在外地登台時被扯落台兼強吻，撞到下巴見紅！

由模界轉戰影壇的周秀娜，前晚偕師弟趙勁皓（King）主持聖誕亮燈儀式，身穿白色Tube Dress的她盡騷白滑「北半球」，與現場觀眾玩遊戲時更多次俯身答問題，大方「倒奶」任影！

聖誕等收驚喜

剛由馬來西亞登台返港的娜姐，自爆登台期間被強吻，混亂間撞損下巴，她說：「馬來西亞嘅Fans好熱情，登台嗰陣畀人拉落台，有女Fans仲錫咗我塊面一啖，我嚇到唔識反應，混亂中仲整損咗個下巴！」不過，她沒有向男友Avis撒嬌：「件事都過咗去，遠水不能救近火，對方又係女仔，所以冇話佢知！最緊要大家冇事，個台好高，真係有驚無險！」問到聖誕如何與男友慶祝，她笑說：「等佢畀Surprise我，不過應該要返工。」至於King則透露全家信佛，故聖誕期間將往泰國拜佛，談及感情狀況，他說：「有個圈外女友，拍咗拖幾個月。」