應昌佑娶妻望黎明到賀
歌手應昌佑昨日與拍拖九年的圈外女友Mandy在半島酒店註冊結婚，一對新人希望儀式簡單而隆重，故不設兄弟姊妹團及玩新郎環節，但跟足傳統向長輩跪地斟茶。明日在鄉村俱樂部擺酒的應昌佑表示，希望老闆黎明會出席：「飲嗰餐佢有心嚟就得o架喇！希望佢得閒啦！」他激讚老婆100分，又爆接新娘時的蝦碌事：「我去接佢嗰時，佢仲未化好妝Set好頭！」新娘子則踢爆老公眼淺，怕他註冊時會忍不住落淚。兩人手上的巨型鑽戒亦相當搶眼，應昌佑說：「佢嗰隻係奶奶送嘅求婚戒指，我嗰隻就係爸爸留畀我嘅傳家之寶！」
