子珊（目及）賽車手釣金龜

徐子珊昨日以一身型格打扮到澳門新濠天地出席賽車活動，她盛讚揸車型的男人，更打算（目及）實一班賽車手揀男友！

視后熱門之一的徐子珊昨日到澳門出席《新濠天地澳門GT盃》活動，乘坐由名人馬清揚駕駛的紅色法拉利到場，派頭十足！子珊亦坦言法拉利是其「Dream Car」，但就算有錢都會投資磚頭而拒買名車。子珊又覺得揸車很型，故將來揀老公會以這類男人為首選：「未來老公都要搵啲揸車型嘅男人。（的士司機？）咦……保母車司機啦！（陣間去車場（目及）吓啲型男車手？）都好喎！（搵埋男友？）咁易咩，都可以考慮吓嘅！」

子珊早前有玩賽車，但今次不會落場：「佢哋所有車手都好專業，唔會畀我玩，我有女仔朋友都會落場，超羨慕！我之前喺上海比賽，因為有教練陪所以安全啲，自己始終唔夠經驗嘛！」活動上，子珊與新濠天地高層有講有笑，她笑說：「頭先副總裁仲話送水舞間門票畀我屋企人！」

拍劇又做女警

另外，子珊透露稍後將要開拍新劇再演警察，自言已是第七次演這類角色：「我好似『包』咗呢類角色，一要打就係我，可能啲人覺得我男仔頭，但其實我都怕痛，希望今次係最後一次！（你啲緋聞男友吳卓羲同黃宗澤都當你係男仔？）冇所謂，我都冇諗過搵圈中人做男友！」而她早前與敖嘉年及陳敏之到吉隆坡出席公開活動，為多部無綫劇宣傳。