早前跟男友郭富城外遊度假的名模熊黛林（Lynn），昨日出席活動時春風滿面，否認預支蜜月：「今年講咗好多次（結婚），搞到啲客贊助我餅卡同婚紗，我就諗有冇酒樓贊助？講得多真係有人信，不過冇人求婚！（機艙被偷拍到同睡？）飛機上咁多人一齊！（酒店同房？）唔講！」但她暗示旅費由城城支付。至於城城孭飛的《寒戰》大收，早前他與拍檔梁家輝、楊采妮拍攝宣傳照，兩位影帝嚷着要跟采妮起舞，相當搞笑！城城日前在台灣宣傳時，被問到是否已向Lynn求婚？他即否認其事。
城城與楊采妮拍攝宣傳照，甚有默契。
Lynn打扮到十足公主，未知城城王子可心動？
