伊健企後排避姊妹

鄭伊健昨日出席馬場活動，提到好友錢嘉樂和湯盈盈前日註冊有否撐場，他說：「日頭有嘢做所以夜晚先出現，冇飲到冧晒，但係今日『Wing Wing』哋，但我報定案所以可以早走囉！」問到今日做兄弟會否驚被姊妹玩殘？他笑說：「唔驚，呢啲時候我梗係企後面，陣間要飲埋啲洗腳水就唔好啦！」

提到女友蒙嘉慧（YoYo）放假到明年五月，再問他們是否一起放假，他表示仍有工作，要宣傳新片《我老公唔生性》及準備其他地方的演唱會，問到是否五月前和YoYo拉埋天窗？他無奈地說：「唔想再答喇！答到好悶。」而YoYo前晚出席活動時被問是否有確實婚期，她說：「仲未Firm，出年先搞，朋友啱啱先畀咗結婚嘅資料我睇，成事再同大家講。」

伊健夥拍蔡卓妍（阿Sa）的新片《我老公唔生性》是十年前《我老婆唔夠秤》續集，將於下月上映，片中伊健飾演「婆媽長氣」的教師張十三，阿Sa則飾演「恃靚行兇」的學生妹，二人指腹為婚，今集講述婚姻經歷十年光景後的故事，以及主角身邊出現「小三」的考驗。