洪天明與太太周家蔚昨日見證好友註冊，大為感動，家蔚笑言盈樂咀不停Sweet爆燈，還爆盈盈很喜歡錫錫！天明則指盈樂其實十分緊張：「嘉樂不停講嘢掩飾，但表情僵硬，盈盈講誓詞就勁甩咳，仲話想再嚟多次！」他笑言身邊好友均陸續結婚，感覺得意：「將來成班小朋友可以一齊玩！（同盈樂B對襯家？）年紀太近喎！（估嘉樂生仔定女？）未知，可能係孖女，報應呀！」婚禮上，天明全程貼身保護身懷六甲的家蔚，做足好老公本分，並在熊貓前自拍留念，煙韌程度不遜一對新人。
周家蔚腹大便便撐老友，天明全程護妻。
天明孖家蔚與正版「盈樂」合照。
