昨日接受電台訪問的羅力威，對新歌《雙子情歌》有好成績而感到開心，問到對年底頒獎禮有何期望時，他說：「獎有邊個唔想要？但冇諗過爭咩獎，今年比以往做多咗好多功課，比起之前有好大進步，感覺好充實。」
他又表示已開始為頒獎禮挑選戰衣，由於平日的服裝都比較斯文，故希望有新嘗試，挑選一些較為鮮艷的服飾，問到是否浮誇點？他說：「咁又唔係，只係啲色唔太單調。」並透露會出席師兄陳偉霆主演的新片《紮職》首映。
羅力威正為頒獎禮物色破格戰衣。
