Ellen批評社會太保守
歌手盧凱彤（Ellen）昨日到電台宣傳首張個人國語專輯，新唱片除有好友魏如萱幫手寫歌外，Ellen更趁盧廣仲來港宣傳時找他合唱，並為因癌症逝世的表姐作了一曲，一向硬淨的她錄音時不禁眼濕濕：「表姐嘅死啟發咗我，有啲咩未做就要趁在生時做，所以依家我都會見多啲屋企人，同埋出咗呢隻國語專輯。」
談到好友何韻詩日前「出櫃」，Ellen為對方感到驕傲，更視她和黃耀明為偶像：「好慶幸當日我在場見證到呢個偉大嘅時刻，我喺側邊聽都勁喊，真係好感動！」她又批評香港社會保守：「我知有機構批評佢哋，我覺得香港作為大都會實在太守舊，進步得好慢，令好多同志都好怕講出自己心聲！」
Ellen指黃耀明與阿詩的行為令人感動。