吳雨霏擦蟹險「心臟病發」
吳雨霏（Kary）昨日抱恙出席記者會及獻唱，她表示前晚在內地工作後，吃了大閘蟹致不適：「當時食到一半已經覺得心跳得好快同暈暈哋，休息咗十分鐘又再食，之後我仲食埋中藥先走。點知返到屋企就超級唔舒服，心跳快到以為自己有隱性心臟病發，尋晚真係以為自己會死！（叫救護車？）我冇力叫白車，Call屋企人又冇人理我，因為當時已經好夜。（打畀男友？）冇。」Kary稱昨日已即時看醫生，醫生指中藥與蟹不能一同進食：「我估唔到一隻蟹會搞到咁大鑊，以後都唔敢食蟹。」又稱其演唱會會加場，開騷前會戒海鮮及少吃肉類。
同場的糖妹透露將於明年一月到雲南探訪及幫忙建屋，並笑言想帶14歲的弟弟同行，讓他體驗一番。
Kary雖抱恙到場，但仍大騷玉背。
糖兄妹拍住上出席活動。