晶晶香檳色晚裝顯貴氣
郭晶晶在世紀婚禮之中的晚裝成為焦點之一，她在喜宴上先後換上購自英國的婚紗、由Vivian Luk設計的湖水藍色低胸晚裝、Elie Saab香檳色露背拖地珠片晚裝及紅色喱士旗袍。本地著名時裝設計師何國鉦（Dorian）稱讚晶晶穿上香檳色晚裝最好看：「呢件衫最搶眼，低胸露背開衩已經係賣點，加上呢件衫有個袖，令佢個肩膊冇咁單薄，而且同個濃妝好相襯，高貴大方。反而個濃妝唔係太襯湖水藍條裙，應該化個粉妝，條裙本身好靚，顯得佢腰瘦、上圍豐滿；至於件婚紗個色就偏舊。」Dorian亦大讚新奶奶朱玲玲選衣恰當：「佢着嗰件Valentino桃紅色喱士裙，令佢容光煥發，而孔雀綠色晚裝好高貴，但又唔會搶新娘子嘅鏡。」