剛晶世紀一吻咀足七秒

霍啟剛及郭晶晶前晚在全場千多名來賓的見證及祝福下，於台上咀嘴達七秒之久！一對新人更鮮有開金口唱歌娛賓，整個婚宴在他們的歌聲下圓滿結束，而霍震霆被問到晶晶是否「有喜」，言談間露出弦外之音。

霍啟剛及郭晶晶一連兩日於南沙及香港舉行的世紀婚宴前天圓滿結束，一眾出席的官商名人均大讚婚禮感動又溫馨。婚宴主持曾志偉發揮搞笑本色，甫開席即說：「我係代表霍家同郭家嘅，但呢個『郭』家唔係『國』家，多謝大家嚟飲！」令來賓拍爛手掌。

剛晶切蛋糕及合交杯，志偉看準時機叫來賓起哄，要求一對新人咀嘴：「你哋拍得熱烈啲，佢哋就錫得耐啲。」而心情大好的啟剛輕輕揮手，向來賓示意請熱烈拍掌。結果，剛晶在全場見證下親吻達七秒之久！場內播放一段十多分鐘的短片，片中有一對新人的父母、晶晶的姨媽、表姐及霍家親友的畫面。

因賓客人數逾千，主人家無法逐枱敬酒，故他們全都走到台上敬酒。剛晶亦成為人肉布景板，賓客排隊爭相與兩人合照。霍震霆更自爆於08年奧運，親手頒獎給晶晶時的感受：「當時啲人話我頒獎畀未來新抱，我口話支持好嘅運動員，但其實心裏面好甜！」啟剛亦於台上感謝80多歲的嫲嫲對他的養育之恩，更指嫲嫲是家中支柱，從小接送他上學、放學及交學費，場面感人。啟山則大爆在清華大學讀書時，每次哥哥來探訪時都有晶晶同行，初時覺得奇怪，後來就知道兩人拍拖。

開金口獻唱愛歌

剛晶與林子祥及葉蒨文在台上合唱，婚禮在歌聲中圓滿結束。與朱玲玲分屬好友的葉蒨文說：「見玲玲娶新抱好開心，個婚宴好Wonderful！我同老公表演完都好攰，但睇見啟剛大個仔娶老婆，感動又開心！」另外，有傳晶晶將於本月18日返家鄉保定回門再宴親朋。對於霍震霆說：「佢應該過咗嚟啦！我諗應該冇囉！我都食咗幾餐，冇得走回頭路，尋晚（前晚）已任務完成。（晶晶大肚？）你真係呀，我尋晚講咗，每樣嘢都有適當程序，依家有就可以正式啦！」似意有所指！