Rain受浸喊完又喊

李彩華昨日趁牛一受浸成為基督徒，期間感動到兩度落淚！她更送上5卡戒指孝敬媽咪，氹得老人家開心不已！

昨日29歲牛一的李彩華（Rain），選擇在重要日子接受洗禮「重新做人」，正式成為基督徒，獲好友趙雪英借出家中泳池舉行儀式，並請來張文慈（Pinky）、谷祖琳、王祖藍及李亞男等好友觀禮，場面熱鬧！身穿泳衣打底的Rain，儀式開始時已不禁感動落淚，其後由牧師帶領落水，問到是否願意成為基督徒？她哭着說：「我願意！」眾人拍掌支持，整個儀式約半小時便完成。

近年在內地拍劇的Rain趁生日，買了4卡鑽石耳環、手錶及手袋獎勵自己，她更大手筆再花8萬元，購下5卡紅寶戒指答謝媽咪，難怪Rain媽笑到見牙唔見眼！

Pinky十字架致賀

事後Rain接受訪問時說：「因為今日同主嘅婚禮，心情比真係結婚仲緊張！好多謝趙小姐借出間屋，佢好似我姐姐咁，同埋好開心咁多朋友嚟咗，畀到我好大支持，所以太感動不停喊！」而Pinky則與一班姊妹夾份送鑽石十字架祝賀。