偉仔曬到眼矇遭輪影
影帝梁朝偉專程返港擔任兄弟，身穿整齊西裝的他靚仔到暈，加上激罕通街出巡，勁搶新郎哥鏡！相信偉仔亦自知風頭過強，故全程不接受訪問！不過偉仔愈是沉默愈有型，當他隨兄弟團到達圍村接新娘時，村民聞風而至喪黐影帝影相！這邊廂新郎哥與街坊影相，靠邊站的偉仔則不停被村民輪影，雖然烈日曬到他眼都矇，但仍保持微笑！偉仔與呂方當年因拍劇而成好友，二人平排企時，未知呂方縮水還是偉仔再發育，當年同樣高度的二人卻高矮立見！另外，晚上才出席婚宴的劉嘉玲，昨午甫了母親的舊照。
偉仔（左）明顯高過呂方一截，究竟有人縮水定發育？
偉仔（右二）及鍾鎮濤淪人肉布景板，任影唔嬲！
嘉玲出席婚宴前，上載母親的舊照。