陳芷敏愛「榴槤」細膽又「刺」激

冬甩成員陳芷敏（Elke）養的寵物絕不簡單，除了一隻由頭黑到落腳的貴婦狗Dark Dark外，還有一隻名叫「榴槤」的非洲刺蝟！「榴槤」的毛平時軟綿綿，但發惡時便會變成拮手的刺，隨時會被拮傷！牠受驚時會蜷成波狀，恍如企圖掩人耳目！

原來養非洲刺蝟於香港已逐漸普及，榴槤睇落肥肥白白，不過平日只食貓糧！Elke試過帶牠出街散步，行路慢得近乎龜速，一定走唔甩！Elke表示這種刺蝟習慣在熱帶地方生活，因此最緊要維持居住環境溫暖：「尤其冬天就嚟到，更加要小心保暖，畀多幾條毛巾佢。」Dark Dark跟榴槤曾共處一室，但榴槤慘被嚇得縮作一團兼流鼻水。她又自爆因一時衝動而買下Dark Dark：「佢全身都咁黑，連對眼都係，真係好難搵！」專養珍禽異獸的她更考慮再養一條蜥蜴呢！

Elke因愛Dark Dark夠Dark而「寵幸」牠。

細膽的榴槤喜歡縮作一團；但睇真啲好鬼Cute呢！