杜德偉做老襯好「難忍」

現年50歲的歌手杜德偉將於明日與26歲女友Ice Lee拉埋天窗，前晚二人拍拖出席活動，Ice大讚準老公是絕世好男人，杜德偉則希望多享受二人世界，過兩年才考慮生B。

明日結婚的杜德偉（Alex）前晚與準太太Ice Lee結伴出席公開活動，Ice全程翹實Alex，小鳥依人。Alex表示心情開心多於緊張，婚禮已籌備得七七八八。問到婚後會否即時造人？他希望多享受二人世界：「冇咁快，想Enjoy吓先，我哋只係識咗三年，希望畀多兩年時間做吓夫妻享受二人世界。」問到Ice如何被感動答應做杜太？她含羞答答地說：「誠意，一次求婚就應承。」並不忘大讚未來老公：「佢係絕世好男人。」身旁的Alex即搞爛Gag說：「好『難忍』呀？」打情罵俏，大晒恩愛。

Alex稱明日在港擺酒後，21日會在台灣擺，年底才去度蜜月，他解釋：「因為我12月8號有演唱會，歌手年尾都比較多嘢做，做完演唱會先去夏威夷度蜜月，會去個幾星期。」至於接新娘儀式，Alex笑言會任由姊妹團玩，兄弟團都是相識超過25年的好友，包括梁朝偉、呂方及鍾鎮濤等，對於劉嘉玲指偉仔難得肯做兄弟，Alex也認同：「係，好開心。」問他會否怕兄弟團臨時甩底？Ice即代答：「甩底都係情非得已。」

孫佳君Danielle同場唔尷尬

前晚同場有已故羅兆輝的舊愛孫佳君及緋聞女友Danielle，孫佳君稱不會感到尷尬，並指二人有打招呼，兩女更大方合照，有說有笑。孫佳君表示公司為她挑選合適的劇本，問到會否性感演出？她說：「性感可以，但床戲免問，我要為小朋友着想。」