拍檔個個O嘴 林峯子珊投信任票
於《雷霆掃毒》與吳綺莉及鄧梓峰合作的演員林峯、徐子珊與黃智賢等，對兩人被「照田雞」之傳聞大感愕然，坦言未有察覺他倆有眉來眼去的舉動，林峯說：「我都唔知網上傳得咁厲害！（信唔信？）成日都有呢啲唔好嘅傳聞，我唔相信！（兩人有秘密交往？）我多數同鄧梓峰同場，好少三個人一齊開工，冇察覺到！」而子珊亦力撐說：「我都冇八卦人哋呢啲嘢，我唔相信係真囉！」至於黃智賢表示完全冇聽聞：「我唔信囉！係咪惡作劇呀？成日放啲流料！」另外，記者向監製林志華求證，他得知兩位當事人傳緋聞後O晒嘴，並說：「冇辦法諗到會係呢兩個，我聽完個傳聞都唔開心。」
林峯力撐吳綺莉，亦不打算八卦這段「震驚」緋聞。
徐子珊與黃智賢對傳聞毫不知情，認為是流料一則。
黃智賢