偷偷摸摸照田雞
網上瘋傳藝員被「照田雞」，花名「田雞」的喜劇演員田啟文即為大家解釋何以「照田雞」等於偷情斷正：「啲田雞黑麻麻嗰陣好活躍，但一畀電筒照住就唔郁，就好似偷情畀人發現咁，呆咗等人捉囉！」他又笑言「田雞」這花名已有數十年歷史：「入行嗰陣我自己改嘅，希望多啲人記得自己。」還試過遭人以粗口鬧他做「四眼田雞」，但已慢慢習慣。
至於公眾地方「車震」是否觸犯法例？黃國桐律師說：「喺公眾地方車震，有可能觸犯『淫褻及不雅』罪，一般判社會服務令或罰款，至於罰款數目由法官決定，通常唔會超過一萬蚊，但好少判坐監咁嚴重，而喺自己嘅私人花園『車震』就唔犯法。」