無綫高層鄭偉強女兒兼模特兒鄭文斯（Macy）上月出嫁，於美國與比她大6年的外籍男友拉埋天窗，50位親友更遠道而來觀禮，Macy笑言當日發生不少趣事︰「都唔知點解會係咁笑，大家都好愕然，老公同賓客都呆咗，之後爸爸媽媽問我咩事，可能我太開心啦！」
此外，平日錫到Macy燶的父親更眼濕濕，非常不捨，她說︰「當時爸爸唔肯放手，望住個新郎，兩個好似爭緊我咁，之後爸爸就同佢講︰『咁你Good Luck』，當時我喺度諗，乜我好差咩？」
Macy與老公於美國行禮，幸福喜悅之情表露無遺。
Macy與老公於一眾賓客面前深情咀嘴，勁Sweet！
