甄詠珊遇幸運星

粉絲與偶像能成為知己的買少見少，前Freeze成員甄詠珊與亞姐周嘉莉就是難得的一個例子，後者未參選前已是甄詠珊的忠實粉絲，入行投身亞視後遇上偶像，兩人如今情同姊妹，甄詠珊更視對方為福星。

有幾多人可以跟偶像做同事？亞姐周嘉莉發夢也估不到能願望成真，由追隨偶像前Freeze成員甄詠珊到跟對方成為朋友，近年更升呢做同事，在亞視合作，周嘉莉說︰「佢仲係歌手時已經鍾意佢，可能大家覺得佢形象差，但佢都係為解決屋企經濟問題先出嚟搵錢。之後經朋友認識佢，覺得佢好Nice！」

兩人初相識時，並未擦出火花，甄詠珊說︰「當時大家都忙，所以好少見面，直至我簽咗亞視，而當時佢參加選美，估唔到大家咁就撞番。」兩人自此情同姊妹，周嘉莉不忘感謝對方的照顧：「之前參選時遇到啲負面新聞，佢都有幫我，仲對我好好，成日畀衫同鞋我着，我係一兩袋紅白藍袋拎返屋企，好誇張！大家認識七年，依家好似親人一樣。」

有仔埋身

兩人成為老友不在話下，甄詠珊表示重遇周嘉莉後，愛情事業兩得意，笑言對方是其福星︰「真係覺得好神奇，好似轉運一樣，入咗亞視撞番佢，工作上有新嘗試，而且得到埋愛情，同佢一齊會有好事發生o架！」