黎耀祥攬胡定欣上床

黎耀祥於台慶劇中飾演太監李連英，連續三年擔任台慶劇主角的他坦言從沒壓力，他表示會一改以往太監「嗲聲嗲氣」的演法，全以正常聲調演繹。

黎耀祥今年連續第三年擔任台慶劇主角，他坦言從不因收視而感到壓力：「最享受拍攝過程，拍完就咩都唔記得晒，從來都唔會計較成績，當然希望會好！」

謝絕乸型

祥仔於劇集《大太監》中飾演歷史人物李連英，問到拍之前有否參考歷史書時，祥仔說：「冇喎！只係跟住監製同編審所要嘅方向去演，劇集始終係戲劇性嘅，歷史同劇本難免會有出入！」劇中的李連英由一個冷宮的小太監做起，問到監製有甚麼要求時，祥仔說：「都冇乜！但大家一定要有共識，好似太監其實係咪真係大家腦海裏面咁『乸型』呢？其實冇人見過，只係一個原有嘅觀念，所以我哋劇中嘅太監都會用番正常聲線講嘢！」

無慾無求

此外，《大》劇亦會提及太監的感情生活，太監因與宮女一同食飯及打掃而建立了莫名的感情，祥仔更與飾演宮女的胡定欣有「床上戲」，他說：「嗰場戲講李連英攬住對方唔知點面對，冇慾望、冇諗法，好多太監都想娶老婆，生理唔得，都想心理上有溝通。」對於米雪飾演的慈禧，祥仔大讚她演此角很適合，因很有貴氣。