Bosco慘遭杏兒冷待

黃宗澤（Bosco）與胡杏兒甩拖數月，日前杏兒生日，Bosco揚言有傳祝福短訊給對方，但當問到有否收到杏兒回覆？他說：「我生日都未必個個覆！」暗指舊愛冇回應！

黃宗澤與鄧麗欣（Stephy）前晚出席電影《等．我愛你》首映。Bosco舊愛胡杏兒日前生日，他揚言有向對方送祝福，但問到杏兒有否回覆時，他卻表示自己生日也不會逐一回覆，而他昨晚出席節目巡禮時說：「有冇覆係私人嘢，戥佢開心。（出嚟慶祝？）冇機會，係我疏忽，下次啦！」而杏兒生日當晚，跟張智霖、羅仲謙和吳卓羲等出發到英國為新劇拍外景，羅仲謙昨日於微博上載眾人合照，由於當地天氣寒冷，他們都穿上厚厚外衣。

前晚首映禮，Stephy被問到有否叫男友方力申捧場？她笑說：「有叫，佢都喺香港但唔知嚟唔嚟！（做乜咁生外？）唔係，只係我冇問佢嚟唔嚟啫！」

冇請子珊睇首映

至於Bosco就被問到有否請緋聞女友徐子珊睇首映，他說：「嘩！講到咁遠。（佢上次否認戀情否認到眼濕濕喎！）我都覺得唔好意思！」對於近期熱話的視帝之爭，Bosco直言冇信心奪獎：「我自己睇好祥仔（黎耀祥），佢係我半個師傅，松哥（劉松仁）都好好，三哥（苗僑偉）都好，同佢哋爭受之有愧！」