樂基兒Ready結新歡

撇甩「黎明嫂」稱號的樂基兒，同時將基地遷離香港，已一段時間沒有在港居住，並坦言已Ready迎接新感情。

早前與黎明公布「分訊」的樂基兒（Gaile），前晚出席手錶活動時表示，完成手頭上的工作後便會離港，至下月才回來工作，再返美探親：「我已經好耐冇喺香港住。（去小島？）我係買咗個沙灘，喺印尼再遠啲，好平，都唔使1萬美金，但嗰度冇電，乜都冇，只可以釣魚同滑浪，我都唔知點解會買！」問到是否離開傷心地，她說：「唔係，我會返嚟做嘢，呢度好好，有好多好嘢食。（有冇留戀？）有留戀，你哋囉！（仲愛黎明？）分手只係講一次，尊重對方，發生咗就係發生咗。」問到若有追求者會否接受，她說：「Maybe！OK嘅！但如果有新開始，處理上會好唔同。」

無意全職滑浪

此外，Gaile昨日在時裝品牌活動上，獲高層Ariane Zagury送贈由巴黎運來的Biker Jacket，寓意「勇敢向前」。事後她表示現時很開心，不需要任何人的鼓勵說話，並透露稍後會到馬來西亞工作。問到會否全職滑浪，她表示只是興趣，暫不會考牌或比賽：「玩多半年先，我仲係初學者，玩得唔叻！」

同場還有王力宏緋聞女友林筱筠，她激讚對方是標準的完美情人：「他有才華又帥又幽默，哪個女生不喜歡？（發展機會？）現在沒有這種感覺，以後不敢講。」而黃婉佩（Race）談及舊愛時感觸落淚，問到是否情傷未愈，她說：「畀啲時間，我冇事！」