周家蔚洪天明三點不露

潮媽周家蔚與老公洪天明近日到影樓拍攝全裸大肚寫真，兩人沒有尷尬也沒有清場。原來天明平日不時充當老婆的御用攝影師，為愛妻拍攝全裸大肚照。

藝人洪天明與周家蔚以不同造型拍攝大肚寫真，有着皮褸扮Cool，也有兩公婆溫馨一面，其中天明擺出師傅的模樣，督促愛妻紮馬練功，當然也少不了天明親吻愛妻肚皮的深情甫士。寫真戲肉是全裸拍攝，兩人落落大方，沒有絲毫尷尬，家蔚說：「攝影師係我哋嘅朋友，唔會尷尬，現場反而女仔多，老公都冇尷尬，大家未拍前就用毛巾遮住身體，擺好甫士就影相，過程好順利、滿意，好有紀念價值。」

原來家蔚有個御用攝影師為她操刀影全裸大肚相，她笑說：「喺屋企成日逼老公幫我影相，成龍大哥之前送咗部名貴相機畀我哋做結婚禮物，所以有時沖完涼，或者工作完有化妝就叫天明喺屋企幫我影相，有時會寫啲日子或者TJ個名喺肚皮上，今次去影樓係希望影啲兩個人嘅相，平日老公負責揸機，影唔到合照。」

唔怕裸照流出

問家蔚可擔心珍藏照片有機會流出？她說：「唔擔心，會好好保管，同埋其實全部相裸體得嚟係冇露點嘅，只係想要赤裸嘅感覺，萬一流出都唔係好嚴重嘅事。」

家蔚計劃於明年1月28日開刀分娩，她說：「到時都要睇BB嘅情況由醫生決定，都想試吓自然分娩，因為身體康復快啲，可以再追多個女。」而兒子中文名則由爺爺洪金寶改，她希望似老公天明的名字一樣簡潔。