關楚耀關微博避是非
有傳歌手關楚耀因連詩雅介入而與舊愛Megan分手，Megan更在微博大罵男方。關楚耀昨晚出席活動時再三強調分手與連詩雅及第三者無關：「希望件事快啲完，否則會影響心情！（Megan喺微博話你係大話精？）佢鍾意點寫就點寫。（你話微博畀黑客入侵？）係，為免混淆，我會刪除微博戶口。」問到會否叫Megan在微博封口及是否想復合時，他不欲多談。而Megan昨日接受電話訪問，指摘因雜誌亂作連詩雅是第三者而令自己無辜被拖落水：「關楚耀喺電台訪問時冇清楚交代，令人誤會係我放料，連詩雅又唔出嚟講嘢，覺得佢置身事外！」
