孫耀威與關心妍（Jade）前晚為新城音樂會打頭陣，兩人拖手合唱經典情歌。Jade與偶像老孫合唱時格外興奮：「頭先同佢對望有觸電感覺！佢講笑話拖手唔會有BB，如果拖吓手就有，咁我真係要拖實老公喇！」
原來當晚亦是孫母壽辰，乖仔的老孫訂了兩圍酒席賀壽，問到女友陳美詩可有陪伴「未來奶奶」？他說：「佢喺嗰度幫我頂住先喇！（女友係自己人？）媽咪好開通好錫佢，應該冇婆媳糾紛！」他又指被朋友改花名「顧家威」，意指顧家兼好仔，更揚言婚後絕不離婚。
關心妍悉心打扮騷美腿。
能跟偶像孫耀威合唱，難怪關心妍一副冧樣。
