軒仔Big鵰Stand Up

身為男人，最尷尬莫過於人前「動L」，前晚軒仔在音樂騷中激凸晒鵰，搶盡風頭！就連壓軸嘉賓Eason都抵死地寸：「真係無所不用其極呀！」

張敬軒及陳奕迅（Eason）等歌手前晚出席新城音樂騷，眾人又唱又跳，令全場High爆，不過全晚焦點卻是軒仔的「驚人」演出，他獻唱情歌時不僅令台下觀眾聽出耳油，甚至冧到連「小軒軒」都要「起立」細聽！雄風乍現的軒仔並沒因而影響水準，反而愈唱愈投入，相當專業。談到是否因為緊張而「動L」？軒仔即一臉尷尬地扯開話題：「可能條褲太緊啫！大家唔好再望我下面，我上身件皮褸係Lady GaGa御用設計師設計嘅，全世界得一件o架咋！」

「小Eason」疑似現形的Eason得悉軒仔「Big鵰乍現」而搶盡風頭，立即「吹神」上身，抵死地笑說：「嘩！大鵰加闊膊，依家啲歌手真係無所不用其極呀！」他又透露將會一家三口旅行，並搞鬼地呼籲記者不要打攪：「大家唔好搞我喇！不過通常都係途人影我相放上網，總之唔好咁近影我啦！」

裸體參加頒獎禮

本年度的樂壇成績即將結算，幾乎年年都是大贏家的Eason大呻為戰衣而煩惱：「揀衫好煩呀，可能唔着算喇！今年有得去嘅都想去晒，順便宣傳吓新碟囉！」而軒仔即將忙於演出舞台劇，屆時可能會缺席部分頒獎禮。