司儀朱凱婷：開心為主
「剛晶」將於周日在港舉行大型婚宴，勢必成為全城焦點，身為婚宴司儀的曾志偉及朱凱婷之壓力可想而知！朱凱婷昨日接受本報訪問，問到「剛晶」婚禮細節定了沒有？她只說：「未知，好多嘢都要保密，亦未同公關公司開會。（知唔知一對新人有冇特別要求？）唔知，未開會！」雖然婚宴備受矚目，但她自言不會感到壓力，反而覺得很榮幸：「今次大師姐朱玲玲娶新抱，原本我有得去飲已經好開心，依家可以參與成為一小分子就更開心！之後會同新人傾傾，睇睇有咩係佢哋想講嘅。婚宴唔會太大壓力，都係開開心心為主！（驚唔驚唔夠時間準備？）唔會！」
