黃宗澤撐「子」珊唔姣冇遐想
藝人黃宗澤（Bosco）與周麗淇（Niki）及萬綺雯等昨日出席劇集《好心作怪》拜神儀式，對於與徐子珊因被拍得拖手而傳緋聞，Bosco說：「嗰度好多人，佢又着高踭鞋，先捉住我啫！（子珊喊？）所以唔好再亂咁寫。（佢係咪『姣精』？）佢咁仔，點姣呀！雖然佢經過打扮有女人味，但係暗地裏係一條仔嚟，所以我從來冇對佢有遐想。」他又表示傳聞未有影響友誼，但不會有機會撻着：「我暫時冇拍拖嘅諗法。」談到今日是舊愛胡杏兒的生日，Bosco表示會傳短訊祝賀她。至於Niki亦力撐Bosco並非花心男，問到會否怕抽離不到角色而愛上他，她即尷尬地說：「未拍完，唔知！同佢演情侶都要投入角色。（你之前同鄭嘉穎都係拍劇撻着！）唉吔！過咗去就唔好提。」
黃宗澤食燒肉都Chok過人，唔知有冇電親身邊嘅Niki？