林峯出口術孖住上搶獎
正忙於在內地工作的林峯，前晚以神秘嘉賓身份現身劇集《雷霆掃毒》的結局篇飯局，同場還有徐子珊、官恩娜與苗僑偉等。對於有指台慶劇《名媛望族》口碑不俗，令劉松仁稱帝升溫，阿峯不諱言忙到連自己的演出亦無暇收看，故尚未捧對方場。雖然人不在港，但他笑言會透過影迷會為視帝一獎拉票，未知是否擔心公司Server冧機，他叫影迷切記要慢慢投！
問到視后心水，阿峯即毫不猶豫力撐子珊，他說：「我覺得只有佢先駕馭到呢個角色，佢今次演得好有突破！（觀眾對得1秒鐘嘅強姦戲失望喎！）好似拍就唔止1秒，咁叫監製整個Director's Cut（導演版本）！（佢自己珍藏？）唔知，可能睇時係咁Pause（停）。（子珊壓力爆煲？）我知阿妹好努力，呢套劇好大進步。」
林峯力撐徐子珊有進步，希望可以開條《雷霆》「帝后Q」。
官恩娜（左二）着短裙露美腿，引來其他演員眼望望。