子珊爭后先贏1仗

無綫花旦徐子珊與楊怡今年成「視后」大熱，分別主演的《雷霆掃毒》與《名媛望族》上周繼續火併，結果《雷》劇結局周收視比《名》劇更勝「1」點，令子珊在「視」后之爭先攞頭彩！

今年無綫「視后」寶座被指是徐子珊與楊怡兩大姐仔之爭，皆因子珊與楊怡分別擔演的《雷霆掃毒》與《名媛望族》均掀起話題，前者「一秒輪姦」火併後者「咬唇鼻頂」。雖然要到下月才有視后結果，但論收視，子珊可謂佔盡上風，相信為她打下強心針！

《雷》劇播出以來成為焦點，收視後勁凌厲，尤其子珊的「毒后」角色深入民心，雖然「一秒輪姦」被轟兒戲，但反令她人氣急升，在微博視后投票走勢亦佔先。前晚播出的《雷》劇大結局，平均有35點收視，最高更達38點（觀眾人數約243萬），正是子珊的生BB後死去一幕，收視率更高達99%，該劇上周平均收視則為30點，相當不錯！

咬松哥唇冇幫助

反觀楊怡主演的《名》劇播出至今，被網民指重口味、劇情重複、親熱鏡頭多及演員平均年齡較大等，令收視出閘脫腳，就算楊怡與劉松仁（松哥）上周三播出情挑戲及咬松哥唇兼鼻頂的一幕，上周平均收視亦僅得29點，台慶劇成績未見理想，令「對撼戰」子珊輕易「KO」楊怡，成為「視后」寶座大熱之選。

為保持優勢，子珊前晚聯同林峯、苗僑偉、黃智賢及官恩娜等出席《雷》劇結局篇飯局Keep曝光率，她透露剛從馬來西亞工作返港，並指因劇集效應，當返港在機場買咖啡時，有職員寫了她劇中角色名字「陳家碧」在杯上，令她感到安慰。提到有指介入黃宗澤（Bosco）與胡杏兒戀情，子珊即鄭重澄清及否認報道以保選情：「唔好再有咁恐怖嘅封面，真係好唔開心，我認真講一次，我同Bosco係完全冇嘢！件事好影響我聲譽，唔想件事影響大家友情，好無謂！根本冇發生過！」

「對得住天地良心」

問到見到Bosco舊愛杏兒會否感到尷尬？子珊說：「做娛樂圈大家都明白，我好耿耿於懷，今次係我最後一次講，我同Bosco係同事，係工作上嘅同事。（聯絡杏兒？）啱啱返嚟，報道出街時我唔喺香港，而寫嘅嘢都唔係真，我好難過。」對於被封為「姣精」，子珊激動得眼泛淚光說：「嬲就一定有，我冇做過，對得住天地良心。（擔心事件影響全民投票結果？）報道唔係真，所以希望大家唔好畀傳聞影響到。」