柏豪爆肌謝票狂操弗谷到行

周柏豪為誘Fans睇騷，在個唱海報中以黑、金裝包到冚的他，特地公開透點花絮相，更揚言如反應熱烈，會做「裸露男」謝票。

周柏豪首個大型售票演唱會《周柏豪 PAKHO IMPERFECT LIVE 2012》，將於下月28及29日假九展Star Hall舉行，鮮有失眠的他緊張到徹夜難眠，得知內部訂票反應非常熱烈，猶如打了強心針：「好開心咁多人想睇我演唱會！希望公開售票都好快賣晒，我唔會令大家失望！」

日前柏豪為演唱會拍攝海報，雖然造型師訂造的「黑金裝」把柏豪包到冚，但他埋位前仍狂做Sit Up和掌上壓谷肌，更拍下透點花絮相，先給Fans止渴，造型師看見其鋼條身形後說：「搞錯咗個Look！應該畀佢Show盡全身肌肉。」柏豪坦言有肌肉才能把衣服穿得更有型，亦不介意騷肌，更許下諾言：「如果賣飛情況理想，考慮喺演唱會露！」

黑．金寓意人生

其實型爆的黑、金造型內含寓意，柏豪覺得黑、金兩色可代表他的人生，曾經歷黑色的黑暗期，而現在就是他的黃金時期，感慨人生有起有跌，一定Imperfect。