瞄準歌視大獎 林峯：普選就有信心
視帝大熱林峯昨日以代言人身份出席在深圳舉行的《依波路表皇室系列新品深圳盛大發布會》，獲逾千名粉絲吶喊支持的他明言恨攞視帝：「廿幾歲已經入圍。（今年有劉松仁呢個勁敵？）勁敵年年都多，好希望自己有份，依家一年拍一劇，希望憑今次角色得到。（同徐子珊一齊拎視帝視后？）都想，子珊初初都諗過做毒后會唔會好大回響？我同佢講：『諗唔到有人比你更適合。』」而活動後他即趕返港出席昨晚《雷霆掃毒》大結局活動，但貪玩的他事前向苗僑偉等表示不會出席，給他們驚喜。至於樂壇頒獎禮，林峯說：「係咪普選？都有信心。」
另外，談到揀選腕錶，林峯表示未試過與伴侶戴情侶錶，亦未找到適合送情侶錶的對象。
提到送錶的女性對象，林峯只表示送過給妹妹和媽媽。
林峯（箭嘴示）吸引千人撐場，未贏獎先贏勢！