早前與女友熊黛林（Lynn）外遊返港的郭富城，昨日聯同導演陸劍青及梁樂民到apm商場宣傳新片《寒戰》，心情大靚的城城在活動上不時大擺甫士，更對着巨型電影海報敬禮。他指今次宣傳雖然不齊人，但全體演員均會於今晚到北京出席電影首映禮，之後會到上海、台灣及新加坡等地宣傳。城城指宣傳完畢後會陪媽媽飲早茶睇新片，問到Lynn會否一同出席？他偷笑並說：「唔答！（請Lynn睇戲？）我會請所有好朋友睇。（旅遊完心情好好？）你哋咁得意嘅？」
城城在海報前擺甫士，心情靚爆。
城城（左二）與新鴻基地產代理有限公司租務總經理馮秀炎一同為新片造勢。
