莊思敏 情．願等

32歲的莊思敏（Jacquelin）和24歲的連詩雅（Shiga）兩位「黃金盛女」感情一直未有着落，Jacquelin渴望尋找真愛，但不敢隨便投入感情；Shiga深受「舌戰慾照」所傷，令她暫不想再驚動愛情。

名模莊思敏（Jacquelin）自年前與吳浩康結束5年情後一直單身，雖然偶爾出現追求者，令她有過衝動「試吓啦」，但還是不敢輕舉妄動，她說：「自己都想拍拖，但真係識唔到新朋友，舊嗰班朋友當我係男仔，可能我太嘈太爽朗，畀佢哋錯覺係『兄弟』，好慘o架！其實我有時想搵個人依靠吓，但仲未出現囉！」回復單身後，Jacquelin重新出發，不斷嘗試新工作，卻再次令她識男仔的機會幻滅：「我唔想搵番圈中人拍拖喇，但普通人嘅工作時間又好難就，之前有朋友約我食飯，我因為做嘢而甩底。」

拒再揀同性

去年Jacquelin被好友林忠豪熱烈追求，送iPhone兼以名車接送，最後她卻拒愛：「了解過之後發覺冇可能，大家做番朋友，其實我都幾執着，覺得要撻一早就撻着咗，否則只會永遠做朋友，除非好耐冇見，見番有感覺！」曾與五個女生拍拖的她強調若可以揀，不會再跟女性談戀愛：「雖然喺我嘅角度愛係無國界，我唔會歧視同性戀者，但依家畀我擇，我都係覺得男人好啲。講真，到我呢個年紀，都想搵個伴侶可以談婚論嫁。」

嘲港男唔掂

她沒因寂寞而胡亂投放感情，更看透港男好現實：「依家啲男仔，追你一陣就以為自己做咗好多嘢，見你冇乜反應就放棄，再追第二個！」其實Jacquelin貴為拿督千金，簡直「皇帝女唔憂嫁」！偏偏擇偶條件是如此簡單：「身高外貌身家都唔重要，最緊要有責任心同上進心，同埋溝通到！」但老實說，其個子高大又寸嘴，難免令男生卻步，她說：「我認o架！可能我外形上畀人感覺好強悍，有人會覺得我寸，但我都有感性嘅一面，睇戲會代入角色喪喊。」

後記：做闊太？怕怕！

Jacquelin由經理人安排了密麻麻的工作：「做我經理人都幾慘，只要有一日休息，我就會追爆佢。將來結婚，我好難想像日日High Tea過日辰！」對於妹妹思明近日與外籍男友熱戀，她笑說：「後生女係咁o架啦！」