鍾舒漫畫‧出色

英皇女歌手鍾舒漫（Sherman）向來畫功了得，早前成功開了畫展，還卻多年心願。Sherman雖然畫畫多年，但她謙稱未夠資格開班授徒，又自稱是寫實派，並非創意派。

鍾舒漫是樂壇畫畫高手，早前她還一償心願，開了個人畫展，獲不少圈中好友支持，她說：「好細個已經鍾意畫畫，讀書時試過畀老師投訴，話我喺教科書上畫畫，仲瘋狂到攞同學仔啲教科書嚟畫！其實我真係鍾意畫畫，主要係畫人，因為人最有感情，就算係Close up一隻眼，都可以有好多Stories（故事），反而畫風景同死物就冇乜感情，好快會畫到悶。」

A4畫到大帆布

Sherman原來已有逾20年畫齡，由最初的隨便畫，到16歲那年認真研究如何素描，然後就畫顏色畫，她說：「以前唔係太識調色，後來就慢慢運用，顏色比例好緊要。」她認為不一定是開心時才畫畫：「無論開心或傷心都可以畫畫，因為呢個係情感嘅表達，我由以前嘅A4 Size嘅紙，到依家畫大帆布畫，真係好有滿足感！」

細味童年回憶

Sherman謙稱為人比較寫實，創造力不夠：「我唔係創意派，我係寫實派，Creative（創造力）唔夠，好多嘢都係『直去』，唔會太抽象。」原來她家中保存了多年珍藏畫冊，閒時會拿出來細味童年回憶。

問到會否開班授徒？Sherman謙稱：「未有資格，因為自己工作忙，而且畫畫屬於我嘅興趣，主要表達自己感受，暫時未有打算。當然假使有日擁有自己家庭，我都想開設一間音樂畫室。」