苟芸慧透視放「峰」

向來身形健碩的苟芸慧雖然多次揚言減肥，惟一直未見進展，她前晚出席亮燈活動時，無懼寒風穿透視裝上陣，但露出一雙麒麟臂，可謂大殺風景。

苟芸慧、劉心悠與張智霖前晚為商場聖誕燈飾主持亮燈，雖然天氣轉涼，但苟姑娘卻無懼寒風穿透視公主裝上陣，並露出事業線搶鏡，雖然多次揚言減肥，但觀其一雙麒麟臂，便可知減肥仍未成功，苟姑娘仍需努力。對於同場的心悠已穿冬裝，苟姑娘說：「因為贊助未換季嘛！（想搶鏡露多啲？）唔係特登嘅。（着公主裝襯番燈飾？）係大會想我着浪漫啲，所以先着呢條裙。（聖誕節有咩計劃？）聖誕做嘢好忙！（會唔會買禮物畀屋企人？）我好想買樓，等爸爸、媽咪嚟香港有地方住。」此外，苟姑娘昨日與港姐張名雅出席慈善活動，一臉病容的她表示患感冒，由於工作忙，病足3天也無暇睇醫生，問到是否財多身子弱？她說：「唔係，不過呢排好感恩，幾多工作，多謝公司畀咁多機會我。（點獎勵自己？）想去旅行。（有伴？）冇呀！」張名雅則透露忙於綵排周四舉行的節目巡禮表演。

劉心悠抗拒借精

沒有愛情滋潤的心悠透露已Dry足7年：「我有工作滋潤，可能咁諗好變態，其實我應該識多啲朋友，要開放，有時見到朋友BB好得意，自己都好想生。（借精？）完全冇諗過，呢個係外星人想法，我份人好傳統嘅，不過呢個方法會考慮。」至於張智霖則表示曾有意做紅娘，介紹男仔給心悠，不過對方似乎很抗拒。