樂基兒殘爆玩快閃承諾不再流淚

樂基兒和黎明自宣布離婚後，玩足一個月才回港，前晚首度公開回應離婚，即聲淚俱下哭崩人前，冷靜一晚後，昨日樂基兒殘爆往電台接受模特兒好友楊崢訪問，承諾不再哭泣。

樂基兒前晚首次開腔談及離婚，當眾痛哭的她激動地強調自己冇收巨額贍養費。早已揚言會留港一段時間的她，休息一晚平復情緒後，昨午1時，一輛黑色七人車直駛入元朗葡萄園別墅，未幾樂基兒離開，前往電台做錄音訪問，雖然樂基兒前晚哭訴，但黎明昨日仍派同事陪她到電台受訪。

少少眼紅紅

於大批採訪車追訪下，樂基兒約下午二時抵達廣播道，電台特別開放停車場的後門讓其七人車直駛入內，樂基兒落車只需行數步便能夠「閃」進內，穿上灰色Tee襯貼身牛仔褲的樂基兒，戴上黑超亦難掩倦容，她在助手陪同下快步進入電台。

樂基兒於電台內接受其模特兒好友楊崢訪問，傾足兩小時，至4時20分才離開，繼續封嘴的她即返回元朗寓所。記者致電楊崢，她承認親自接洽樂基兒做訪問：「我哋識咗好多年，佢好爽快，一口答應咗。（會唔會覺得佢哋離婚好可惜？）佢哋兩個人先知道發生咩事，見到佢喊真係好心痛，個朋友要面對咁大壓力。（佢今日有冇喊？）今日冇，係有少少眼紅紅，佢話唔會再喊嘞！」

舒淇上載照片

黎明舊愛舒淇昨晨七時許上載大頭照，表示已化完妝，但仍下雨，至中午再上載雪景。