William戴Bra祝捷阿Sa拎荷包捧場
英皇歌手陳偉霆（William）與女友蔡卓妍（阿Sa）昨日在新城活動上碰頭，但未有特別交流，大合照時亦分開企。問到有否叫阿Sa捧其新片《紮職》場，William說：「冇呀！呢部係男人戲，啱同兄弟睇，而且最近大家都忙！（畀人打到周身傷，怕阿Sa睇到心痛？）唔係，佢可能冇興趣睇啩！」而阿Sa則表示稍後會買飛捧場，因她向來支持港產片，並笑言冇錢包場，但問到會否與男友結伴入場，她即避忌地說：「唔答！」
此外，William前晚與《紮》片中的拍檔徐偉棟及吳浩康到戲院宣傳，談及慶功，湯怡與詩雅建議一眾猛男着T-back遊砵蘭街，William即豪言若票房逾千萬，更會加碼着胸圍！談及曾否被踢入會，他說：「喺球場踢波，啲人都話自己有背景，但我入咗舞蹈學會，冇再去踢波！」吳浩康則表示曾誤會自己入了會，而徐偉棟則笑說：「我一出世就跟咗老竇（徐少強）。」
「大佬」William（中）與吳浩康（左）及徐偉棟老友鬼鬼。
湯怡（右）打算反串，與詩雅扮「拖友」入戲院睇戲。