Kary澳門騷變舞會
吳雨霏（Kary）與台灣歌手張震嶽，前晚在澳門新濠天地「嬌比」演出華語音樂節《CPOP LIVE》音樂會，打頭陣的Kary勁歌熱舞獻唱多首Hit歌，觀眾紛紛隨節拍舉杯起舞，非常投入！其後，她自彈自唱《二十世紀少年》，並說：「好可惜今次冇機會同阿嶽同台演出，非常期待同佢喺音樂上交流。」而阿嶽則大唱粗口歌，又與全場觀眾大合唱。
此外，Kary昨日先拔頭籌冧莊「新城勁爆播放指數大獎（歌曲）」，她說：「好開心，我上年都攞過女歌手獎！」問到會否增強得獎信心，她說：「我唔會咁睇，一直都好努力，一月八號嘅演唱會先係大前提！」她自覺成熟了，故演唱會造型會以華麗為主。
身穿短裙仔跳勁舞的Kary，率先捧走新城獎項。
張震嶽
Kary與張震嶽分別獻唱多首Hit歌，令全場氣氛高漲！