祖兒釋前嫌撐羅力威

英皇新人羅力威最近被指是「二打六」歌手，師姐容祖兒與Twins昨日在《新城勁爆頒獎禮》記者會上以行動力撐，投選他為心水新人。祖兒坦言曾因羅力威寸嘴而看他不順眼，但相處過後覺得他很有才華，更大讚他好人！

容祖兒、Twins、陳偉霆與江若琳等昨日出席頒獎禮記者會，但頒獎禮常客陳奕迅及古巨基則未有現身。大會率先頒發4個獎項，祖兒先拔頭籌勇奪「勁爆播放指數大獎（歌手）」，吳雨霏冧莊「勁爆播放指數大獎（歌曲）」，而周柏豪與鄧紫棋（G.E.M.）則分別捧走「勁爆演繹大獎」及「勁爆年度專輯」。

被踩冇唔開心

被視為新人獎大熱的羅力威，在新人預演環節中壓軸登場，提到他被指是「二打六」歌手，祖兒與Twins均在投票環節中力撐他是心水新人，以行動為師弟打氣！Twins說：「佢唔係二打六歌手，最多係二打一！」祖兒則搞笑地自爆曾看羅力威不順眼：「開頭唔太鍾意佢，因為佢仲寸過我，不過我已經唔記得咗。經了解之後，我覺得佢好好人，又有才華！」

師姐的支持令羅力威非常感激，他說：「衷心多謝公司每一位，會喺適當時候答謝佢哋。入咗英皇之後，好似一個大家庭咁，我承諾會以事業為先。」對於緋聞女友雨僑為支持他而自認「二打七」，他說：「邊個有稱號都唔開心，帶過就算，呢件事對我冇影響，冇唔開心。」並轉述經理人霍汶希（Mani）的說話：「件事唔需要回應，當對方電影宣傳完咗就會過去。」

G.E.M.性感爭獎

此外，祖兒受訪時表示一直視自己為競爭對手，問到男友劉浩龍沒有現身是否更自在，她說：「不嬲都好自在。（日前唔肯合照？）我個人對呢啲嘢係睇心情，唔逼得，你哋唔好理我，由得所有嘢自然發生。」談及與何韻詩合照，她坦言機會難得，因二人已很久沒有見面，故要拍照留念。至於G.E.M.則表示對年底的頒獎禮有信心，戰衣更會有少少性感！