影帝梁家輝前晚與台星彭于晏代表電影《寒戰》出席《香港亞洲電影節2012》時，談到同場的老友城城戀情浮面，家輝大表高興，並說：「佢行運行到……佢踏入不惑之年，計劃好事業、生活，各方面都有所選擇，梗係戥佢高興啦！」記者追問拍攝電影時，有否看到「又高又白淨的人」來探城城班？家輝即抵死地笑說：「你哋唔好咁啦！總之佢表現好開心，我係一個演員，而佢嘅表現我睇得好清楚。（佢嘴角含春？）嘴角有少少口水呀！（同你當初見到老婆一樣？）佢靚仔好多！」
彭于晏（左起）與兩位影帝梁家輝及郭富城合作，獲益良多。
家輝與城城見面即攬攬，認真好「巴打」！
