Chilam歐遊「偷食」法拉

張智霖（Chilam）在新劇中艷福不淺，先在中環與「34D咪神」梁政珏調情，再飛歐洲與陳法拉激吻，未知老婆袁詠儀睇到會否眼火爆！

連月趕拍無綫新劇《衝上雲霄II》的Chilam，在劇中享盡艷福，先後與梁政珏及陳法拉有不少親熱戲！前晚10時許，他率先與劇中的前度女友梁政珏在中環取景，身穿超低胸緊身短裙、谷出5吋「事業線」的34D咪神梁政珏，沿途吸引不少途人眼望望，與Chilam拍攝調情戲前，她更在工作人員陪同下到便利店買啤酒，似乎想借助酒精入戲。

箍頸送「波餅」

正式拍攝時，她與Chilam坐在路邊傾偈，愈黐愈埋，其後更施冧功，肉緊地從後攬實Chilam送「波餅」兼箍頸，最終拍了4、5次才OK，被連環胸壓的「人夫」Chilam非常避忌，不用埋位時對梁政珏目不斜視，只顧低頭玩電話。同場的吳鎮宇亦未有「埋堆」，埋位前獨自玩手機，未有與金像攝影杜可風及工作人員高談闊論。

享盡梁政珏溫柔的Chilam，還將與陳法拉等到英國及法國拍攝激情戲，他與法拉的激吻場面本在蘆葦田取景，但最後改於酒窖拍攝，法拉坦言從未拍過如此激烈的親熱戲：「我都怕拍接吻戲，唔鍾意口水掂口水，寧願錫面、錫身！（擔心好似徐子珊嘅輪姦戲咁令觀眾失望？）網友同觀眾好留意同性有關嘅場面，其實只係生活一部分，大家唔係小學生，唔使大驚小怪！」