諸葛紫岐面郁郁證冇整容

名模諸葛紫岐（Marie）昨日出席活動時，笑言身穿的Tube Dress太鬆，怕會跌下。問到會否考慮豐胸？她說：「如果有Treatment會做，但一定唔會開刀，因為我怕痛。」對於再被指整容，她澄清：「一定冇，因為我好怕開刀同打針，可能因為我細個唔鍾意咬嘢食，所以下巴尖啲。（出聲明澄清？）唔使，我成塊面都郁到。」問到同是「宅男女神」的苟芸慧與岑麗香哪位較漂亮？她說：「兩個都靚，苟芸慧有東方女性美，而岑麗香就好甜美。（叫老公「Neway二太子」薛嘉麟簽佢哋做歌手？）我都想！（簽埋未來妯娌陳法拉？）我唔想答，怕有是非。」

Marie自言怕開刀和打針，故不考慮整容。