高海寧收「峰」讓賽

同為羅天宇緋聞女友的高海寧（高Ling）和蔣家旻，昨日在銅鑼灣鬧市出席活動，高Ling未知是否自動退下戰線，竟收起性感，被微露事業線的家旻搶晒鏡。

蔣家旻昨日偕有「咪神」之稱的高海寧（高Ling）到銅鑼灣鬧市出席安信萬聖節活動，向途人大派禮物。由於高Ling以密實打扮登場，微露事業線的家旻難得撼贏，高Ling事後說：「客戶冇要求性感，只係話配合主題就得啦！同埋喺街人多驚危險！」同為前港男羅天宇緋聞女友的高Ling和家旻「情敵」同場，但現場所見她倆沒有尷尬之餘，更應記者要求大方合照。

對於緋聞，高Ling笑言只當宣傳：「因為之前同天宇一齊拍《法網狙擊》，預咗畀你哋講！（知唔知羅天宇同家旻嘅緋聞？）知呀！有睇新聞，但我冇追問呀！」問到與羅天宇有否發展機會，另一邊廂的家旻甜笑表示不介意與對方發展，更大讚他細心體貼：「但係我諗佢唔鍾意我呢種女仔，佢鍾意啲女神型同溫柔嘅，佢當我係妹多啲！」

哈囉喂不愁寂寞

至於萬聖節會如何慶祝？高Ling表示會參加演藝人協會派對，寓工作於娛樂；而家旻則透露要在工作中度過：「我連下個月生日都要做嘢！（羅天宇會唔會同你慶祝？）《愛．回家》成班演員應該會一齊食飯，唔會孤獨！」