婷婷撐媽咪靚冇整容

謝婷婷昨日出席UGG® Australia鞋履活動時透露將赴馬來西亞拍戲，片中首次飾演媽媽，問到有否請教當了媽媽的朋友心得？她說：「我身邊朋友都有交BB畀我湊，我期待同BB拍戲。（唔搵Quintus拍？）佢太大個，戲中BB係幾個月手抱。（會唔會推薦佢哋拍戲？）我都係玩先會主動諗起佢哋多啲！」此外，母親狄波拉早前出席生日會被指鼻子不同惹整容疑雲？婷婷力撐母親年輕時已是美人胚子，眼大鼻高，不相信媽媽整容：「我相信年紀大咗眼耳口鼻係會變，好似我100歲嘅嫲嫲個樣都縮晒唔同咗！」她又指家人從小崇尚自然，父親謝賢更自創Keep Fit運動，如自摑為面部做按摩等。

謝婷婷將拍新片，首次飾演媽媽角色。