苟芸慧封胸照出V煞
JC連日谷胸亮相，另一性感女神苟芸慧昨日亦以Deep V戰衣出席活動，問到早前揚言封胸的她，何以性感上陣？她說：「因為之前已經應承咗呢個工作，而且我同公司傾過，覺得各方面都OK，唔會引人犯罪！（之前仲應承咗幾多個工作？）4個。（違背自己意願？）件衫雖然重要，不過着嗰個人嘅氣質更重要！」
苟姑娘表示宣布封胸後，工作量及酬勞沒有減少，仍舊十分滿意，更強調女生健康性感是一件好事，希望將來走中性格線：「我好欣賞桂綸鎂嘅型格打扮。（你哋身形差好遠？）無論咩身形，自信最緊要，父母畀咩我都係最好嘅！」
