JC搏到見「暈」

去年因負面新聞而人氣插水的34C「警鐘胸」模Jessica C.，近期重響警鐘，一連兩日以超性感造型示人！前晚先以透視裝上陣，使出T Back誘惑，昨日則換上噴血谷胸Cosplay，期間更疑似露暈，誓要收復失地性感吸睛！

以「警鐘胸」打響名堂的Jessica C.（JC）本來事業發展順利，可惜去年因為櫃員機事件，加上疑似慾照流出，形象瞬間插水，再三打擊令她一度意志消沉，搞到「警鐘胸」都失靈！幸而經過友人開解後，JC最終走出陰霾，誓要極速收復失地！

JC昨日以超性感Cosplay造型上陣，上身谷爆警鐘胸，下身則露出白帶絲襪，加上腰間皮革緊箍，令人懷疑再度上圍發育，甫出場已令全場大叫！大會安排她與李彩華（Rain）玩遊戲，要求二人扮殺人，JC毫不錫身地胸壓工作人員，當時她從後箍着對方的頸扮殺人，搞到對方硬晒軚！Rain也不禁要JC攬攬感受質感！事前已打底做足防走光措施的JC，期間仍失守疑似露出乳暈，事後問她可知走光？她反問：「Did I？希望唔會走光啦！我已經盡量企得好啲！都有少少尷尬，因為有啲嘢男人可以Show，女仔唔可以！（男友鍾意你個Cosplay造型？）我估佢會鍾意！」

「都有少少尷尬」

玩Cosplay造型前，JC前晚以透視連身裙出席活動，除了將「警鐘胸」谷到上頸外，身後透視出T Back！她表示初時不覺得透視，後來才發覺很性感：「有少少尷尬！」剛與洛杉磯男友Bond拍拖的她，問到如何慶祝萬聖節？她說：「 會同Ana R.佢哋一齊玩！」她又爆今日是Ana生日，對方正與男友旅行。

JC如此性感，難免令同場剛新婚的名模周汶錡被比下去，問到何以婚後更活躍於公開活動？她說：「我係模特兒，都會去啲時裝活動。（以行動證明唔會淡出？）結婚係好普通，生咗仔都可以做嘢，唔做會好Out！」提到舊愛杜德偉下月結婚，她表示有看婚照：「啲相好得意，唔係傳統結婚相！（你同佢嘅相邊個靚啲？）我都冇影過，亦唔會補影！（杜德偉派帖畀你？）我唔去得，會撞咗（相沖），因為我結婚未夠3個月！」