黃貫中噴血搵奶粉錢

黃貫中（Paul）於王晶監製的新片《古惑仔：江湖新秩序》中演江湖老大，最終被亂刀斬死。前晚劇組於馬灣碼頭拍攝相關戲份，Paul全身塗滿血漿，正式埋位時更要噴出口含的血漿，每次停機他都要用汽水漱口。Paul表示不介意被取笑不錫身搵奶粉錢，談及愛女更滔滔不絕：「頭先出門口都唔捨得，喺屋企成日幫佢影相。（擺百日宴？）會呀！」又自爆與朱茵早前成功避過記者擺婚宴：「只係宴請咗家人，同埋啲好Close嘅朋友。（朱茵復出拍戲？）最好唔好啦，但佢戲癮大！依家佢都唔捨得離開BB。（追多個？）順其自然啦！」

此外，同片的沈震軒與梁敏儀前晚亦於附近空地拍另一場戲，兩人在車廂激戰。沈震軒自爆最終會慘死，故王晶若開拍續集，相信亦沒有他的份兒。